კუჭ-ნაწლავის ტრაქტის ბუნებრივი ფლორის ძირითადი წარმომადგენლები არიან: ლაქტო და ბიფიდო ბაქტერიები. სასარგებლო ბაქტერიები მნიშვნელოვან როლს ასრულებენ ადამიანის ორგანიზმისთვის, რადგან იცავენ მას გარედან მოხვედრილი მავნე ბაქტერიებისგან და ასევე თრგუნავენ იმ ბაქტერიების გამრავლებასაც, რომლებიც მცირე რაოდენობით სახლობენ ჩვენს ნაწლავებში. მათ პირობით პათოგენური ბაქტერიები ეწოდებათ. როგორც წესი ისინი არ იწვევენ დაავადებას, მაგრამ ორგანიზმის დასუსტების, იმუნიტეტის დაქვეითების და ანტიბიოტიკების მიღების შემდეგ აქტიურად მრავლდებიან და სერიოზულ პრობლემებს უქმნიან ადამიანის ჯანმრთელობას.



სულ ადამიანის ნაწლავებში 400 მდე სახეობის ბაქტერია სახლობს და მათი საერთო წონა 3-5 კილოგრამსაც კი აღწევს.

ნაწლავის ნორმალური მიკროფლორა აქტიურად მონაწილეობს საჭმლის მონელების, ვიტამინების სინთეზის პროცესში. ისინი აფერხებენ სხვადასხვა დაავადების გამომწვევი ბაქტერიების  გამრავლებას. შედეგად მეგობარი ბაქტერიები უზრუნველყოფენ როგორც საჭმლის მომნელებელი ასევე იმუნური სისტემის ნორმალურ ფუნქციონირებას.

თუმცა სხვადასხვა არახელსაყრელი ფაქტორის მოქმედების შედეგად (ინფექცია, არასწორი კვება, სტრესი, ანტიბიოტიკების მიღება) ვითარდება დისბაქტერიოზი.

 ნაწლავური ინფექციები

გარდა აღნიშნულისა, დისბაქტერიოზის არსებობა უნდა ვივარაუდოთ იმ შემთხვევაში, თუ დისკომფორტის გარდა აღინიშნება არარეგულარული კუჭის მოქმედება (შეკრულობა ან ფაღარათი), მადის დაქვეითება, მუცლის შებერვა ჭამის შემდეგ. განსაკუთრებით საყურადღებოა, თუ ეს სიმპტომები ძლიერდება ანტიბიოტიკების მიღების შემდეგ (ე.წ ანტიბიოტიკასოცირებული ფაღარათი).

დისბაქტერიოზის დროს ძლიერდება ალერგიული რეაქციები, ირღვევა ნივთიერებათა ცვლა.

როგორ ვუმკურნალოთ დისბაქტერიოზს?

ორგანიზმს დამატებით უნდა მივაწოდოთ ,,მეგობარი’’’ ბაქტერიები ანუ ე.წ პრობიოტიკები.